Naging emosyonal si Governor Atty. Arlene “Kaka” Bag-ao ng Dinagat Island Province sa kanyang taos pusong pasasalamat sa Bangsamoro Government sa pagdating ng labing anim (16) na trucks lulan ang iba’t-ibang relief goods mula sa mga ministro at opisina ng Bangsamoro Autonomous Region in Muslim Mindanao (BARMM) para sa mga residenteng naapektohan ang mga kabahayan at kabuhayan matapos manalanta kamakailan ang Bagyong Odette.
Ibinyahe pa mula sa Bangsamoro Government Center, Cotabato City patungo sa kanilang probinsya noong ika-22 ng Disyembre nitong taon ang nasabing tulong na matiwasay namang naitawid at naihatid sa Emergency Operations Center ng probinsya nitong Sabado, ika-25 ng Disyembre.
“𝙎𝙖 𝙩𝙤𝙩𝙤𝙤 𝙡𝙖𝙣𝙜 𝙞𝙩𝙤 𝙮𝙪𝙣𝙜 𝙞𝙨𝙖 𝙨𝙖 𝙥𝙞𝙣𝙖𝙠𝙖𝙢𝙖𝙡𝙖𝙠𝙞𝙣𝙜 𝙙𝙚𝙡𝙞𝙫𝙚𝙧𝙮, 16 𝙩𝙧𝙪𝙘𝙠𝙨 𝙣𝙖 𝙥𝙪𝙣𝙤𝙣𝙜-𝙥𝙪𝙣𝙤. 𝙔𝙪𝙣𝙜 𝙚𝙭𝙘𝙞𝙩𝙚𝙢𝙚𝙣𝙩 𝙣𝙜 𝙢𝙜𝙖 𝙩𝙖𝙜𝙖-𝘿𝙞𝙣𝙖𝙜𝙖𝙩 𝙣𝙪𝙣𝙜 𝙢𝙖𝙠𝙞𝙩𝙖 𝙣𝙞𝙡𝙖 𝙮𝙪𝙣𝙜 𝙢𝙜𝙖 𝙩𝙧𝙪𝙘𝙠𝙨 𝙠𝙖𝙝𝙞𝙩 𝙣𝙖 𝙝𝙖𝙥𝙤𝙣 𝙣𝙖 𝙝𝙞𝙣𝙙𝙞 𝙥𝙤 𝙠𝙖𝙮𝙖𝙣𝙜 𝙨𝙪𝙠𝙖𝙩𝙞𝙣,” pahayag ng gobernadora.
“𝙉𝙜𝙖𝙮𝙤𝙣 𝙡𝙖𝙣𝙜 𝙠𝙖𝙢𝙞 𝙣𝙖𝙠𝙖𝙠𝙞𝙩𝙖 𝙣𝙜 𝙜𝙖𝙣𝙞𝙩𝙤 𝙠𝙖𝙡𝙖𝙡𝙖𝙠𝙞𝙣𝙜 𝙩𝙧𝙪𝙘𝙠𝙨 𝙣𝙖 𝙣𝙖𝙥𝙖𝙠𝙖𝙧𝙖𝙢𝙞𝙣𝙜 𝙡𝙖𝙢𝙖𝙣, 𝙢𝙪𝙡𝙖 𝙨𝙖 𝙜𝙖𝙢𝙤𝙩, 𝙗𝙖𝙡𝙙𝙚, 𝙗𝙞𝙜𝙖𝙨, 𝙟𝙚𝙧𝙧𝙮 𝙘𝙖𝙣𝙨, 𝙝𝙮𝙜𝙞𝙚𝙣𝙚 𝙠𝙞𝙩𝙨, 𝙖𝙩 𝙞𝙗𝙖’𝙩-𝙞𝙗𝙖𝙣𝙜 𝙗𝙞𝙜𝙖𝙨. 𝙉𝙜𝙖𝙮𝙤𝙣 𝙡𝙖𝙣𝙜 𝙙𝙞𝙣 𝙣𝙖𝙢𝙞𝙣 𝙣𝙖𝙠𝙞𝙩𝙖 𝙞𝙩𝙤. 𝙉𝙖𝙥𝙖𝙠𝙖𝙡𝙞𝙢𝙞𝙙𝙖𝙩𝙤 𝙠𝙖𝙨𝙞 𝙣𝙜 𝙨𝙪𝙥𝙥𝙡𝙮 𝙣𝙖 𝙣𝙖𝙠𝙪𝙠𝙪𝙝𝙖 𝙣𝙖𝙢𝙞𝙣 𝙠𝙪𝙣𝙜 𝙨𝙖𝙖𝙣-𝙨𝙖𝙖𝙣. 𝙈𝙖𝙝𝙞𝙧𝙖𝙥 𝙩𝙖𝙡𝙖𝙜𝙖 𝙥𝙖𝙜𝙠𝙖-𝙞𝙨𝙡𝙖 𝙮𝙪𝙣𝙜 𝙥𝙖𝙜𝙝𝙖𝙩𝙞𝙙 𝙣𝙜 𝙩𝙪𝙡𝙤𝙣𝙜 𝙠𝙖𝙝𝙞𝙩 𝙣𝙖 𝙨𝙖 𝙥𝙖𝙣𝙖𝙝𝙤𝙣 𝙣𝙜 𝙨𝙖𝙠𝙪𝙣𝙖 𝙡𝙖𝙡𝙤 𝙣𝙖 𝙠𝙖𝙮𝙖 𝙨𝙞𝙜𝙪𝙧𝙤 𝙥𝙖𝙜𝙠𝙖 𝙣𝙤𝙧𝙢𝙖𝙡 𝙣𝙖 𝙥𝙖𝙣𝙖𝙝𝙤𝙣. 𝙋𝙚𝙧𝙤 𝙡𝙖𝙝𝙖𝙩 𝙣𝙜 𝙡𝙞𝙢𝙞𝙩𝙖𝙨𝙮𝙤𝙣 𝙣𝙖 𝙮𝙪𝙣 𝙖𝙮 𝙝𝙞𝙣𝙙𝙞 𝙣𝙖𝙜𝙞𝙣𝙜 𝙝𝙖𝙙𝙡𝙖𝙣𝙜 𝙨𝙖 𝘽𝘼𝙍𝙈𝙈 𝙜𝙤𝙫𝙚𝙧𝙣𝙢𝙚𝙣𝙩 𝙥𝙖𝙧𝙖 𝙥𝙪𝙢𝙪𝙣𝙩𝙖 𝙙𝙞𝙩𝙤 𝙖𝙩 𝙢𝙖𝙜𝙝𝙖𝙩𝙞𝙙 𝙣𝙜 𝙢𝙖𝙧𝙖𝙢𝙞𝙣𝙜-𝙢𝙖𝙧𝙖𝙢𝙞𝙣𝙜 𝙩𝙧𝙪𝙘𝙠𝙨. 𝙏𝙮𝙞𝙣𝙖𝙜𝙖 𝙣𝙮𝙤 𝙥𝙖 𝙧𝙞𝙣 𝙣𝙖 𝙞𝙝𝙖𝙩𝙞𝙙 𝙙𝙞𝙩𝙤 𝙮𝙪𝙣𝙜 𝙡𝙖𝙝𝙖𝙩 𝙣𝙜 𝙥𝙬𝙚𝙙𝙚𝙣𝙜 𝙞𝙝𝙖𝙩𝙞𝙙 𝙖𝙩 𝙞𝙩𝙪𝙡𝙤𝙣𝙜 𝙨𝙖 𝘿𝙞𝙣𝙖𝙜𝙖𝙩,” dagdag pa nito.
Ayon kay Governor Bag-ao, sisiguraduhin nito na maihahatid sa lahat ng residenteng nasalanta ng bagyo ang mga tulong na natanggap.
“𝙈𝙖𝙧𝙖𝙢𝙞𝙣𝙜 𝙨𝙖𝙡𝙖𝙢𝙖𝙩 𝙝𝙞𝙣𝙙𝙞 𝙠𝙖𝙮𝙖𝙣𝙜 𝙨𝙪𝙠𝙖𝙩𝙞𝙣 𝙮𝙪𝙣𝙜 𝙡𝙖𝙠𝙞 𝙣𝙜 𝙩𝙝𝙖𝙣𝙠 𝙮𝙤𝙪 𝙣𝙖𝙢𝙞𝙣. 𝙆𝙖𝙮𝙤 𝙖𝙣𝙜 𝙣𝙖𝙜𝙡𝙖𝙜𝙖𝙮 𝙣𝙜 𝙢𝙖𝙡𝙞𝙜𝙖𝙮𝙖 𝙨𝙖 𝙥𝙖𝙨𝙠𝙤,” pagsasaad niya.
TAGS:
Dinagat Islands Provincial Information Office Kaka Bag-ao
