𝗠𝗦𝗦𝗗 𝗽𝗶𝗻𝗮𝗻𝗴𝘂𝗻𝗮𝗵𝗮𝗻 𝗮𝗻𝗴 𝗰𝘂𝗹𝗺𝗶𝗻𝗮𝘁𝗶𝗼𝗻 𝗻𝗴 𝗡𝗮𝘁𝗶𝗼𝗻𝗮𝗹 𝗖𝗵𝗶𝗹𝗱𝗿𝗲𝗻’𝘀 𝗠𝗼𝗻𝘁𝗵; 𝗠𝗴𝗮 𝗯𝗮𝘁𝗮𝗻𝗴 𝘂𝗹𝗶𝗹𝗮 𝗻𝗮𝗸𝗮𝘁𝗮𝗻𝗴𝗴𝗮𝗽 𝗻𝗴 𝘁𝘂𝗹𝗼

𝗠𝗦𝗦𝗗 𝗽𝗶𝗻𝗮𝗻𝗴𝘂𝗻𝗮𝗵𝗮𝗻 𝗮𝗻𝗴 𝗰𝘂𝗹𝗺𝗶𝗻𝗮𝘁𝗶𝗼𝗻 𝗻𝗴 𝗡𝗮𝘁𝗶𝗼𝗻𝗮𝗹 𝗖𝗵𝗶𝗹𝗱𝗿𝗲𝗻’𝘀 𝗠𝗼𝗻𝘁𝗵; 𝗠𝗴𝗮 𝗯𝗮𝘁𝗮𝗻𝗴 𝘂𝗹𝗶𝗹𝗮 𝗻𝗮𝗸𝗮𝘁𝗮𝗻𝗴𝗴𝗮𝗽 𝗻𝗴 𝘁𝘂𝗹𝗼𝗻𝗴

Sa pagtatapos ng paggunita ng National Children’s Month ngayong taon, naging matagumpay ang ikatlong community outreach program para sa mga bata mula sa pinagsama-samang tulong ng mga ministro at ahensyang napapabilang sa Regional Sub-Committee for the Welfare of the Children (RSCWC) at Regional Juvenile Justice and Welfare Committee (RJJWC).

Pinangunahan ng Ministry of Social Services and Development (MSSD) kasama ang ibang mga ahensya at organisasyon sa BARMM ang pagsasagawa ng community outreach program para sa pitumpong (70) mga batang nag-aaral sa Markadz Arfadz, isang Islamic institution sa Brgy. Kalanganan II, Cotabato City noong Lunes, ika-29 ng Nobyembre sa taong kasalukuyan.

Nakatanggap ang mga bata ng t-shirts mula sa MSSD, hygiene kits mula sa Project Tulong sa Bangsamorong Nangangailangan (TABANG), school supplies mula sa Ministry of Health (MOH), masustansyang pagkain mula sa Ministry of Agriculture, Fisheries, and Agrarian Reform (MAFAR), packed lunch mula sa Bangsamoro Planning and Development Authority (BPDA), kalo at facemasks mula sa organisasyong Singanen o Mindanao, at tsinelas mula sa Bangsamoro Transition Authority (BTA) Office ni Atty. Raissa H. Jajurie na syang kasalukuyang minister ng MSSD.

Nagkaroon rin ng sweets at ice cream corner mula sa BTA Office ni Minister Atty. Jajurie sa nasabing outreach program.

Karamihan sa mga pumapasok sa naturang institusyon ay mga ulila na mula sa ibat ibang munisipyo ng Maguindanao.

Labis-labis naman ang galak ng mga bata sa inihandang makulay at masayang entertainment dulot ng magic show, bubble show, at pagkakaroon ng mascots sa aktibidad.

Samantala, bukod sa Markadz Arfadz, nag-abot din ng kaparehong tulong tulad ng school supplies, hygiene kits, masustansyang pagkain, at packed lunch ang mga ministrong miyembro ng RSCWC at RJJWC at ng mga biswit at chocolates ang BTA Office ni Atty. Jajurie sa apatnapo’t limang mga batang ulila ng Markadz Abdulrahman Al-Sulaitien sa Brgy. Kakar ng lungsod.

#𝗨𝗽𝗹𝗶𝗳𝘁𝗶𝗻𝗴𝗕𝗮𝗻𝗴𝘀𝗮𝗺𝗼𝗿𝗼𝗟𝗶𝘃𝗲𝘀 #𝗠𝗼𝗿𝗮𝗹𝗚𝗼𝘃𝗲𝗿𝗻𝗮𝗻𝗰𝗲
#𝗦𝗲𝗿𝗯𝗶𝘀𝘆𝗼𝗻𝗴𝗧𝗮𝗽𝗮𝘁 #𝗦𝗲𝗿𝗯𝗶𝘀𝘆𝗼𝗻𝗴𝗕𝗮𝗻𝗴𝘀𝗮𝗺𝗼𝗿𝗼
#𝗠𝗦𝗦𝗗 #𝗠𝗦𝗦𝗗𝗕𝗔𝗥𝗠𝗠

(Photos from RJJWC BARMM and Singanen o Mindanao)

Source